اسرائیل کو مشرقی یروشلم میں برطانوی قونصل خانہ بند کرنے کا قانونی اختیار نہیں، سابق برطانوی اٹارنی جنرل کی دفتر خارجہ کو رائے
لندن: برطانیہ کے سابق اٹارنی جنرل ڈومینک گریو نے برطانوی دفتر خارجہ کو قانونی رائے دیتے ہوئے کہا ہے کہ اسرائیل کو مشرقی یروشلم میں واقع برطانوی قونصل خانے کو بند کرنے کا قانونی حق حاصل نہیں
برطانوی میڈیا کے مطابق اسرائیل نے برطانوی قونصل خانے کو 8 اکتوبر کو بند کرنے کا منصوبہ بنایا ہے،اسرائیلی اقدام کو برطانوی وزیر خارجہ ایڈ ملی بینڈ کی جانب سے اسرائیلی بستیوں سے آنے والی اشیا کی تجارت پر عائد کی گئی وسیع پابندی کے ردعمل کے طور پر دیکھا جا رہا ہے
ڈومینک گریو، جو 2010 سے 2014 تک برطانیہ کے اٹارنی جنرل رہے، کا کہنا ہے کہ قونصل خانہ مشرقی یروشلم میں واقع ہے اور اس علاقے کی حیثیت کے باعث اسرائیل اسے یک طرفہ طور پر بند کرنے کا حکم نہیں دے سکتا
یہ تنازعہ ایسے وقت میں سامنے آیا ہے جب اسرائیل نے نیدرلینڈز کی جانب سے اسرائیلی بستیوں سے درآمدات پر پابندی کے جواب میں فلسطین کے لیے ڈچ سفارتی مشن کے سفارت کاروں کی اسناد منسوخ کرنے کا اعلان بھی کیا ہے
برطانوی حکومت اب اسرائیلی اقدام کے قانونی اور سفارتی اثرات کا جائزہ لے رہی ہے، جبکہ قونصل خانے کی حیثیت مشرقی یروشلم اور مقبوضہ فلسطینی علاقوں سے متعلق وسیع تر بین الاقوامی تنازعہ سے بھی جڑی ہوئی ہے