اونٹاریو میں بلدیاتی انتخابات کے امیدواروں کی تعداد میں اچانک اضافہ، آخری وقت میں بڑی تعداد میں نامزدگیاں
اونٹاریو میں 2026 کے بلدیاتی انتخابات کے لیے امیدواروں کی تعداد کم ہونے کے خدشات کے برعکس آخری دنوں میں نامزدگیوں کی تعداد میں نمایاں اضافہ ہوگیا انتخابی حکام اور بلدیاتی حلقوں کو توقع تھی کہ سیاسی دلچسپی میں کمی کے باعث کئی نشستوں پر امیدوار کم ہوں گے، تاہم نامزدگی کی آخری تاریخ سے پہلے بڑی تعداد میں لوگوں نے انتخاب لڑنے کے لیے اپنے کاغذات جمع کرا دیے
اونٹاریو میں بلدیاتی انتخابات کے لیے امیدواروں کی نامزدگی کی آخری تاریخ 21 اگست کو مقرر تھی آخری دن کئی امیدواروں نے مقررہ وقت ختم ہونے سے کچھ دیر پہلے بھی اپنی نامزدگیاں جمع کرائیں، جس سے مختلف شہروں میں مقابلے کی نوعیت تبدیل ہوگئی
ٹورنٹو میں بھی آخری مرحلے میں امیدواروں کی تعداد میں اضافہ دیکھنے میں آیا سابق کونسلر میری فریجیڈاکس نے دوبارہ انتخابی دوڑ میں شمولیت اختیار کی جبکہ موجودہ کونسلر ڈیان سیکس نے بھی آخری وقت میں اپنا حلقہ تبدیل کرتے ہوئے انتخاب لڑنے کا فیصلہ کیا
نامزدگیوں کی حتمی جانچ کے بعد ٹورنٹو کے سٹی کلرک نے 2026 کے بلدیاتی انتخابات کے لیے 361 امیدواروں کی تصدیق کی ان میں میئر، سٹی کونسل کے ارکان اور اسکول بورڈ ٹرسٹیز کے امیدوار شامل ہیں
اونٹاریو کے مختلف شہروں میں بھی آخری وقت کی سرگرمی خاص طور پر نمایاں رہی۔ بعض موجودہ عہدیداروں نے بھی آخری لمحات میں کاغذات جمع کرا کے اپنی انتخابی دوڑ میں موجودگی یقینی بنائی اس صورتحال سے ظاہر ہوتا ہے کہ بلدیاتی سیاست میں دلچسپی کے بارے میں ابتدائی خدشات کے باوجود انتخابات میں حصہ لینے کے خواہش مند افراد کی تعداد توقع سے زیادہ رہی
اونٹاریو کے بلدیاتی انتخابات 26 اکتوبر 2026 کو ہوں گے، جبکہ ٹورنٹو میں پیشگی ووٹنگ 6 سے 11 اکتوبر تک جاری رہے گی