کینیڈین خاندانوں پر سب سے بڑا مالی بوجھ رہائش کے اخراجات، بینک اکاؤنٹس تیزی سے خالی ہونے لگے

کینیڈین خاندانوں پر سب سے بڑا مالی بوجھ رہائش کے اخراجات
، بینک اکاؤنٹس تیزی سے خالی ہونے لگے

کینیڈا میں مہنگائی کی رفتار میں کچھ کمی آنے کے باوجود بیشتر خاندانوں کے لیے سب سے بڑا مالی بوجھ اب بھی رہائش کے اخراجات ہیں۔ ماہرین کے مطابق گھر کی قسط (مارگیج) یا کرایہ ہر ماہ گھریلو بجٹ کا سب سے بڑا حصہ کھا جاتا ہے، جس کے باعث لاکھوں کینیڈین دیگر ضروری اخراجات پورے کرنے میں مشکلات کا سامنا کر رہے ہیں۔
مالیاتی ماہرین کا کہنا ہے کہ اگرچہ شرح سود میں استحکام آیا ہے، لیکن گزشتہ برسوں میں شرح سود میں اضافے کے اثرات اب بھی برقرار ہیں۔ جن افراد نے اپنے مارگیج کی تجدید حالیہ عرصے میں کی ہے، ان کی ماہانہ اقساط میں نمایاں اضافہ ہوا ہے، جبکہ کرایوں میں مسلسل اضافے نے بھی کرایہ داروں پر دباؤ بڑھا دیا ہے۔
رپورٹ کے مطابق خوراک، ٹرانسپورٹ اور یوٹیلٹی بل بھی گھریلو اخراجات میں نمایاں حصہ رکھتے ہیں، تاہم رہائش کی لاگت اب بھی کینیڈین خاندانوں کے لیے سب سے بڑا مالی بوجھ سمجھی جا رہی ہے۔ ماہرین شہریوں کو غیر ضروری اخراجات کم کرنے، بجٹ پر سختی سے عمل کرنے اور قرضوں کا بوجھ محدود رکھنے کا مشورہ دے رہے ہیں۔