کرپشن کے خلاف چھاپوں نے لاہور پولیس کا تفتیشی نظام تقریباً 50 فیصد سست کر دیا
لاہور پولیس کا تفتیشی نظام اینٹی کرپشن اسٹیبلشمنٹ کی جانب سے مبینہ کرپٹ افسران کی گرفتاری کے لیے چھاپوں کے بعد تقریباً 50 فیصد سست پڑ گیا ہے، جبکہ تفتیشی افسران نے عملاً کام روک دیا ہے
رپورٹ کے مطابق اس صورتحال نے پولیس کے تفتیشی نظام میں رشوت پر انحصار کو بھی نمایاں کردیا ہے،تفتیشی اخراجات کے لیے بجٹ انتہائی کم ہونے کے باعث کئی مقدمات میں شکایت کنندگان اور ملزمان دونوں سے سرکاری گاڑیوں کے ایندھن سمیت دیگر اخراجات کے نام پر رقم وصول کیے جانے کی اطلاعات ہیں
ذرائع کے مطابق تفتیشی افسران نے مبینہ طور پر رقم دینا بند کردی ہے، جبکہ پراسیکیوشن عملہ پنجاب انفارمیشن ٹیکنالوجی بورڈ کے نظام میں خرابی کو کام میں تاخیر کی وجہ قرار دے رہا ہے،ایک سینئر افسر نے صورتحال کو لاہور پولیس کے تفتیشی شعبے کے لیے پیچیدہ قرار دیتے ہوئے بتایا کہ اعلیٰ حکام کے اجلاسوں میں معاملہ زیر بحث آچکا ہے، تاہم تاحال کوئی حل سامنے نہیں آیا