کرپشن کے نام پر امریکی انتخابات: ڈیموکریٹس نے ٹرمپ کی بڑھتی ہوئی دولت کو عام امریکیوں کی معاشی مشکلات سے جوڑ دیا
ڈیموکریٹس نے 3 نومبر کے مڈٹرم انتخابات میں بدعنوانی کو اپنا بڑا انتخابی موضوع بنا لیا ہے،ان کا مؤقف ہے کہ صدر ڈونلڈ ٹرمپ، ان کے خاندان اور قریبی سیاسی ساتھیوں کی دولت میں غیر معمولی اضافہ ہو رہا ہے، جبکہ عام امریکی مہنگائی، پٹرول، اشیائے خورونوش اور رہائش کے اخراجات برداشت کرنے کے لیے جدوجہد کر رہے ہیں
34 فیصد ریپبلکن اور ریپبلکن رجحان رکھنے والے آزاد ووٹرز اب سمجھتے ہیں کہ ٹرمپ صدارت کو اپنی دولت بڑھانے کے لیے استعمال کر رہے ہیں،گزشتہ سال یہ شرح 22 فیصد تھی
گیلپ کے ستمبر سروے میں 89 فیصد امریکیوں نے کہا کہ حکومت میں بدعنوانی وسیع پیمانے پر موجود ہے
نیویارک ٹائمز اور سیینا کے اکتوبر سروے میں 50 فیصد ممکنہ ووٹرز نے بدعنوانی سے نمٹنے کے معاملے میں ڈیموکریٹس پر زیادہ اعتماد ظاہر کیا، جبکہ ریپبلکنز کو 11 پوائنٹس کا خسارہ تھا
صرف گزشتہ ہفتے مسابقتی انتخابی حلقوں میں ڈیموکریٹس نے بدعنوانی کے خلاف اشتہارات پر 150 ملین ڈالر خرچ کیے، جبکہ صحت کے اخراجات سے متعلق اشتہارات پر 118 ملین ڈالر لگائے
رپورٹ میں یہ بھی بتایا گیا ہے کہ مالیاتی ریکارڈ کے مطابق ٹرمپ نے 2025 میں صرف کرپٹو کرنسی کے کاروبار سے 1.4 ارب ڈالر سے زیادہ کمائے،ڈیموکریٹس اسی معاملے کو عام شہریوں کی بڑھتی ہوئی معاشی مشکلات کے ساتھ جوڑ کر انتخابی مہم چلا رہے ہیں،ریپبلکنز ان الزامات کو سیاسی حملے قرار دیتے ہیں اور کہتے ہیں کہ ٹرمپ حکومت میں زیاں اور بدعنوانی کے خلاف کارروائی کر رہے ہیں
