نیو جرسی کے علاقے مارلبورو میں مسلم سینٹر نے مسجد کی تعمیر کی اجازت مسترد کیے جانے پر ٹاؤن شپ اور مقامی حکام کے خلاف وفاقی عدالت میں مقدمہ دائر کیا ہے
مسلم کمیونٹی کے مطابق 5 ایکڑ زمین 2021 میں خریدی گئی تھی اور مسجد کی تعمیر کے لیے تقریباً 5 سال تک درخواستوں اور سماعتوں کا سلسلہ جاری رہا،کمیونٹی کا الزام ہے کہ مقامی زوننگ بورڈ نے مسلمانوں کے خلاف دباؤ کے باعث منصوبہ مسترد کیا
مسلم سینٹر کے صدر محمد طاہر کا کہنا ہے کہ علاقے کے تقریباً 300 مسلمان جمعے کی نماز ایک سابق فائر ہاؤس میں ادا کرنے پر مجبور ہیں
مقدمے میں مذہبی آزادی اور آئینی حقوق کی خلاف ورزی کا الزام لگایا گیا ہے،یہ مقدمہ امریکہ میں مساجد کی تعمیر اور مذہبی آزادی کے حوالے سے اہم قانونی معاملہ بن سکتا ہے
