تقریباً نصف جوڑے شریکِ حیات کے سو جانے کے بعد چپکے سے یہ کام کرتے ہیں

تقریباً نصف جوڑے شریکِ حیات کے سو جانے کے بعد چپکے سے یہ کام کرتے ہیں

ایک دلچسپ نئے سروے نے ازدواجی زندگی کی ایک ایسی چھوٹی سی عادت سامنے لائی ہے جس کا اعتراف شاید بہت سے جوڑے کھلے عام نہ کریں،اگر میاں بیوی ایک ہی بستر پر سوتے ہیں تو ممکن ہے ان میں سے ایک دوسرے کے سو جانے کا انتظار کرکے خاموشی سے کمرے کا درجہ حرارت بدل دیتا ہو
امریکی کمپنی Amerisleep کے 1,011 بالغ افراد پر کیے گئے سروے کے مطابق ایک ساتھ سونے والے جوڑوں میں سے 44 فیصد نے اعتراف کیا کہ وہ اپنے شریکِ حیات کے سو جانے کے بعد چپکے سے تھرموسٹیٹ تبدیل کر چکے ہیں
سروے میں یہ بھی سامنے آیا کہ تقریباً دو تہائی جوڑوں میں کبھی نہ کبھی سونے کے کمرے کے درجہ حرارت پر اختلاف ہوتا ہے، جبکہ 6 فیصد جوڑے ہر رات اسی مسئلے پر بحث کرتے ہیں
یعنی مسئلہ محبت کا نہیں، درجہ حرارت کا ہے،ایک کے لیے 72 ڈگری فارن ہائیٹ آرام دہ ماحول ہے تو دوسرے کے لیے یہی درجہ حرارت ایسا محسوس ہوسکتا ہے جیسے کمرے میں سردی کی لہر چل رہی ہو
ماہرین کے مطابق نیند کے دوران جسم کا درجہ حرارت قدرتی طور پر تبدیل ہوتا ہے، اس لیے گرم یا ٹھنڈے ماحول کی ترجیح نیند کے معیار پر بھی اثر ڈال سکتی ہے،یہی وجہ ہے کہ بظاہر معمولی سا تھرموسٹیٹ بعض جوڑوں کے لیے رات کا سب سے اہم فیصلہ بن جاتا ہے
یوں سروے نے ازدواجی زندگی کا ایک خاموش راز ضرور بے نقاب کردیا،ساتھی کے سو جانے کے بعد تھرموسٹیٹ بدلنا شاید امریکا میں تقریباً ہر دوسرے جوڑے کی خفیہ رات کی عادت ہے