ٹورنٹو سے برلنگٹن تک 60 کلومیٹر واک فار آٹزم 12 اکتوبر کو ہوگی
ٹورنٹو سے برلنگٹن تک 60 کلومیٹر طویل واک فار آٹزم 12 اکتوبر 2026 کو منعقد ہوگی جس کا مقصد آٹزم سے متاثرہ افراد اور ان کے خاندانوں کے لیے آگاہی اور حمایت کو فروغ دینا ہے واک میں شریک افراد صبح 7 بجے ٹورنٹو سٹی ہال سے سفر شروع کریں گے اور تقریباً 6 بجے شام برلنگٹن ٹاؤن ہال پہنچیں گے
اس سال کی واک گزشتہ برسوں کے مقابلے میں زیادہ طویل رکھی گئی ہے 2023 میں یہ فاصلہ 33 کلومیٹر تھا، 2024 میں 45 کلومیٹر اور 2025 میں 56 کلومیٹر جبکہ 2026 میں شرکا 60 کلومیٹر کا فاصلہ طے کریں گے منتظمین کے مطابق اس سفر کا مقصد صرف جسمانی چیلنج نہیں بلکہ آٹزم کے بارے میں معاشرے میں شعور اجاگر کرنا اور آٹزم سے متاثرہ افراد کے لیے زیادہ معاون ماحول کی اہمیت کو اجاگر کرنا بھی ہے
شرکا ٹورنٹو سے برلنگٹن کی جانب سفر کرتے ہوئے مقررہ راستے پر 60 کلومیٹر کا فاصلہ طے کریں گے برلنگٹن پہنچنے پر میئر میریانے میڈ وارڈ اور ٹاؤن کونسلرز مقامی کمیونٹی کے ہمراہ واک کے شرکا کا استقبال کریں گے
یہ سرگرمی آٹزم اونٹاریو کی حمایت میں منعقد کی جا رہی ہے اور منتظمین نے کمیونٹی سے اپیل کی ہے کہ وہ شرکا کا کھلے دل اور حوصلہ افزائی کے ساتھ استقبال کریں واک کے ذریعے آٹزم سے متعلق آگاہی بڑھانے کے ساتھ ساتھ ان خاندانوں اور افراد کی حمایت کا پیغام بھی دیا جائے گا جو روزمرہ زندگی میں آٹزم سے متعلق مختلف چیلنجز کا سامنا کرتے ہیں
وا ک کا اہتمام واک فار اے گریٹ کاز کے تحت کیا جا رہا ہے اور اس میں حصہ لینے والے افراد ٹورنٹو سے برلنگٹن تک اپنے سفر کے ذریعے آٹزم سے متعلق آگاہی اور معاشرتی شمولیت کے پیغام کو اجاگر کریں گے