مارک واہلبرگ نے حقیقی مافیا قاتل کے بیٹے کو فلم کے سیٹ پر رُلا دیا، ’’بائی اینی مینز‘‘ ایک حیران کن سچی کہانی پردے پر لا رہی ہے

مارک واہلبرگ نے حقیقی مافیا قاتل کے بیٹے کو فلم کے سیٹ پر رُلا دیا، ’’بائی اینی مینز‘‘ ایک حیران کن سچی کہانی پردے پر لا رہی ہے

مارک واہلبرگ کی نئی فلم ’’بائی اینی مینز‘‘ ایک ایسے حقیقی مافیا قاتل کی زندگی کے انتہائی غیر معمولی باب کو پردے پر پیش کر رہی ہے جس نے امریکی تاریخ کے ایک حساس دور میں ایف بی آئی کے لیے کام کیا تھا،فلم میں واہلبرگ نے حقیقی مافیا قاتل گریگ سکارپا کا کردار ادا کیا ہے، اور ان کی اداکاری اس قدر حقیقت سے قریب محسوس ہوئی کہ سکارپا کے اپنے بیٹے کے لیے اسے دیکھنا جذباتی طور پر ناقابلِ برداشت ہو گیا
فلم کے ہدایت کار الیگنس بریٹن کے مطابق واہلبرگ کی شخصیت اور انداز نے سکارپا کے بیٹے کو اس وقت شدید متاثر کیا جب وہ فلم کی عکس بندی دیکھنے کے لیے سیٹ پر موجود تھا،حقیقی زندگی میں اپنے والد کو جاننے والے بیٹے کے لیے واہلبرگ کو اسی انداز، لہجے اور شخصیت میں دیکھنا اتنا حقیقی محسوس ہوا کہ وہ رو پڑا
فلم کی کہانی 1960 کی دہائی کے مسی سپی میں شہری حقوق کی تحریک کے ایک اہم واقعے سے جڑی ہوئی ہے،اس زمانے میں نسلی کشیدگی عروج پر تھی اور شہری حقوق کے کارکنوں کے خلاف تشدد عام تھا
اسی پس منظر میں ایف بی آئی نے گریگ سکارپا سے مدد حاصل کی،سکارپا کوئی قانون نافذ کرنے والا افسر نہیں تھا بلکہ مافیا کا قاتل تھا،تاہم ایف بی آئی نے اسے اپنے ذرائع اور مجرمانہ دنیا میں اس کے رابطوں کو استعمال کرتے ہوئے شہری حقوق کے ایک رہنما کے قتل کی تحقیقات میں مدد کے لیے استعمال کیا
یہی فلم کی کہانی کا سب سے حیران کن تضاد ہے،ایک ایسا شخص جو خود مافیا کی دنیا کا حصہ تھا، امریکی حکومت کے ایک انتہائی حساس قتل کی تحقیقات میں ایف بی آئی کا خفیہ مددگار بن گیا
ہدایت کار الیگنس بریٹن نے حقیقی واقعے کو محض ایک مافیا فلم بنانے کے بجائے امریکی تاریخ کے اس تاریک دور، ریاستی اداروں، نسلی سیاست اور جرائم کی دنیا کے درمیان موجود غیر معمولی تعلق کے طور پر پیش کرنے کی کوشش کی ہے
مارک واہلبرگ کے لیے چیلنج بھی یہی تھا کہ انہیں ایک ایسے کردار کو ادا کرنا تھا جو بیک وقت خطرناک مجرم، مافیا کا قاتل اور وفاقی تفتیش کاروں کا مددگار تھا
اور جب ایک اداکار کی اداکاری اس شخص کے اپنے بیٹے کو یہ بھلا دے کہ سامنے اس کا والد نہیں بلکہ ایک اداکار ہے، تو یہ شاید اس کردار کی تیاری اور اداکاری کی سب سے غیر معمولی گواہی بن جاتی ہے
’’بائی اینی مینز‘‘ یوں صرف ایک مافیا فلم نہیں بلکہ امریکی تاریخ کے اس عجیب موڑ کی کہانی ہے جہاں قانون نافذ کرنے والے ادارے نے ایک قاتل کو دوسرے قاتلوں تک پہنچنے کے لیے استعمال کیا