امریکا میں لوگ کہاں منتقل ہو رہے ہیں؟ کالج اور فوجی مراکز والے شہر سب سے زیادہ نئے رہائشی کھینچ رہے ہیں

امریکا میں لوگ کہاں منتقل ہو رہے ہیں؟ کالج اور فوجی مراکز والے شہر سب سے زیادہ نئے رہائشی کھینچ رہے ہیں

امریکا میں ہر سال لاکھوں افراد روزگار، بہتر معیار زندگی، تعلیم، رہائش اور دیگر سہولتوں کی تلاش میں ایک شہر یا کاؤنٹی سے دوسری جگہ منتقل ہوتے ہیں،امریکی مردم شماری کے اعداد و شمار سے ظاہر ہوتا ہے کہ حالیہ عرصے میں ملک کے کچھ مخصوص شہروں میں نئے آنے والے افراد کا تناسب باقی علاقوں کے مقابلے میں کہیں زیادہ رہا ہے
اعداد و شمار کے مطابق تقریباً 6 فیصد امریکی آبادی ایسے کاؤنٹیوں میں رہ رہی ہے جہاں وہ ایک سال پہلے مقیم نہیں تھی،یعنی ملک کی ایک بڑی تعداد مسلسل ایک جگہ سے دوسری جگہ منتقل ہو رہی ہے
حالیہ نقل مکانی کی شرح سب سے زیادہ ان علاقوں میں دیکھی گئی جہاں بڑی یونیورسٹیاں یا فوجی اڈے موجود ہیں،بعض شہروں میں ایک سال کے دوران نئے آنے والے افراد وہاں کی مجموعی آبادی کا تقریباً 19 فیصد تک رہے
نیویارک کی اتھاکا، جہاں کارنیل یونیورسٹی واقع ہے، اور اوریگون کی کوروالس، جہاں اوریگون اسٹیٹ یونیورسٹی موجود ہے، ایسے شہروں میں شامل ہیں جہاں طلبہ کی بڑی تعداد کی وجہ سے آبادی میں نئے لوگوں کا تناسب نمایاں ہے
اسی طرح شمالی کیرولائنا کا جیکسن وِل، جہاں کیمپ لیژون کا وسیع میرین کور اڈہ واقع ہے، اور جارجیا کا ہائنز وِل، جہاں فورٹ اسٹیورٹ کا بڑا فوجی اڈہ موجود ہے، فوجی اہلکاروں اور ان کے خاندانوں کی آمدورفت کے باعث زیادہ نقل مکانی والے شہروں میں شامل ہیں
ماہرین کے مطابق کسی علاقے میں لوگوں کی آمد صرف ملازمتوں کی دستیابی سے طے نہیں ہوتی،یونیورسٹیوں، فوجی تنصیبات، مقامی معیشت، رہائش کی قیمت، موسم، جغرافیائی ماحول اور معیار زندگی جیسے عوامل بھی لوگوں کے فیصلوں پر گہرا اثر ڈالتے ہیں
یوں امریکا کے اندر آبادی کی مسلسل منتقلی ملک کے معاشی اور سماجی نقشے کو بھی تبدیل کر رہی ہے،کچھ شہر نوجوان طلبہ کی وجہ سے تیزی سے نئے رہائشی حاصل کر رہے ہیں، کچھ فوجی خاندانوں کی آمد سے آباد ہو رہے ہیں، جبکہ دوسرے شہر روزگار اور بہتر معیار زندگی کی تلاش میں آنے والے لوگوں کو اپنی طرف متوجہ کر رہے ہیں