سنی دیول کی ’بٹوارہ 1947‘ اور عمران ہاشمی کی ’آوارہ پن 2‘ میں باکس آفس پر بڑا مقابلہ
بھارتی اداکار سنی دیول کی تاریخی فلم ’بٹوارہ 1947‘ اور عمران ہاشمی کی رومانوی ایکشن تھرلر ’آوارہ پن 2‘ آج 14 اگست کو ایک ہی روز سنیما گھروں کی زینت بن گئی ہیں، جس کے باعث دونوں فلموں کے درمیان باکس آفس پر بڑے مقابلے کی توقع کی جا رہی ہے
دونوں فلموں کی ریلیز سے قبل ہی شائقین میں خاصا جوش دیکھا گیا، جبکہ فلمی تجزیہ کاروں کی نظریں ابتدائی ٹکٹ فروخت، سنیما گھروں میں نشستوں کی دستیابی اور ناظرین کے ردعمل پر مرکوز ہیں
سنی دیول کی ’بٹوارہ 1947‘ تقسیمِ ہند کے پس منظر میں بنائی گئی حب الوطنی پر مبنی فلم ہے، جبکہ عمران ہاشمی کی ’آوارہ پن 2‘ ایکشن اور رومان پر مبنی فلم ہے،دونوں اداکاروں کے مداحوں کے درمیان بھی اس مقابلے نے فلموں کی ریلیز کو مزید توجہ دلا دی ہے
ابتدائی ردعمل میں ’آوارہ پن 2‘ کو بعض ناظرین کی جانب سے ’’ہائی وولٹیج فاتح‘‘ قرار دیا جا رہا ہے، تاہم حتمی کامیابی کا فیصلہ آنے والے دنوں میں باکس آفس کلیکشن اور ناظرین کے مجموعی ردعمل سے ہوگا
فلمی صنعت کی نظریں اب اس بات پر ہیں کہ دونوں میں سے کون سی فلم افتتاحی ہفتے کے اختتام تک زیادہ شائقین کو سنیما گھروں تک لانے اور باکس آفس پر برتری حاصل کرنے میں کامیاب رہتی ہے