ششی تھرور کی سونم وانگ چک اور جنتر منتر کے مظاہرین سے بھوک ہڑتال ختم کرنے کی اپیل
بھارتی رکنِ پارلیمان ششی تھرور نے جنتر منتر میں احتجاج کرنے والے مظاہرین اور سماجی کارکن سونم وانگ چک کے نام ایک کھلا خط جاری کرتے ہوئے ان سے غیر معینہ مدت کی بھوک ہڑتال ختم کرنے کی اپیل کی ہے۔
تھرور نے اپنے خط میں کہا کہ احتجاج پہلے ہی ملک کے ضمیر کو جھنجھوڑ چکا ہے اور طلبہ و نوجوانوں کے خدشات قومی توجہ حاصل کر چکے ہیں۔ ان کے مطابق اب وقت آ گیا ہے کہ ان مطالبات کو پارلیمان میں مؤثر انداز سے اٹھایا جائے تاکہ مسئلے کا آئینی اور جمہوری حل تلاش کیا جا سکے۔
انہوں نے مرکزی حکومت سے بھی مطالبہ کیا کہ وہ مظاہرین کے ساتھ فوری اور بامعنی مذاکرات کا آغاز کرے، کیونکہ مکالمہ ہی اس تعطل کو ختم کرنے کا بہترین راستہ ہے۔
دوسری جانب سونم وانگ چک نے واضح کیا ہے کہ جب تک ان کے بنیادی مطالبات پر سنجیدہ پیش رفت نہیں ہوتی، وہ اپنی غیر معینہ مدت کی بھوک ہڑتال ختم نہیں کریں گے۔ اس طرح حکومت اور مظاہرین کے درمیان تعطل بدستور برقرار ہے