ڈینور کی یہودی برادری خوفزدہ، ڈیموکریٹک سوشلسٹ میلٹ کیروس کے بڑھتے اثر و رسوخ پر تشویش

امریکہ میں یہودی مخالف تعصب کے بڑھتے ہوئے واقعات کے پس منظر میں ڈینور کی یہودی برادری میں خوف اور بے چینی کی کیفیت پیدا ہونے کی رپورٹ سامنے آئی ہے،فاکس نیوز کے ’’اینٹی سیمیٹزم ایکسپوزڈ‘‘ نامی خبرنامے کے مطابق ڈینور میں ڈیموکریٹک سوشلسٹ میلٹ کیروس کے بڑھتے ہوئے سیاسی اثر و رسوخ نے مقامی یہودی حلقوں میں تشویش پیدا کر دی ہے
خبرنامے میں امریکہ اور دنیا بھر میں یہودی مخالف تعصب سے متعلق حالیہ واقعات کو اجاگر کیا گیا ہے اور بتایا گیا ہے کہ ڈینور کی یہودی برادری سیاسی تبدیلیوں اور بڑھتے ہوئے مخالفِ یہود جذبات کے باعث خود کو غیر محفوظ محسوس کر رہی ہے
خبرنامے کے دیگر نمایاں نکات میں سینیٹر جان فیٹرمن کی ایک ایسے رپورٹر پر شدید تنقید بھی شامل ہے جس کا تعلق ایک مخالفِ اسرائیل خبر رساں ادارے سے بتایا گیا ہے۔ فیٹرمن نے اس ادارے اور اس کی صحافتی کوریج پر سخت اعتراضات کیے
اسی خبرنامے میں ٹیلی ویژن میزبان پیئرز مورگن کی ایک آئیوی لیگ یونیورسٹی کے طالب علم پر شدید تنقید کا بھی ذکر ہے،مذکورہ طالب علم نے مبینہ طور پر یہودی شخص کے لیے کام کرنے سے انکار کیا تھا، جس پر مورگن نے اسے سخت تنقید کا نشانہ بنایا
فاکس نیوز کے مطابق ’’اینٹی سیمیٹزم ایکسپوزڈ‘‘ خبرنامے کا مقصد امریکہ اور دنیا بھر میں بڑھتے ہوئے یہودی مخالف تعصب کے واقعات اور ان کے اثرات کو سامنے لانا ہے