جرمنی نے اسپین کو شکست دے کر ہاکی ورلڈ کپ کا اعزاز برقرار رکھا
دفاعی چیمپئن جرمنی نے اسپین کو ایک صفر سے شکست دے کر ہاکی ورلڈ کپ کا ٹائٹل برقرار رکھا۔ اسپین کی مردوں کی ہاکی ٹیم کے کپتان مارک میرالس نے مسکراتے ہوئے کہا، ’’یہ تکلیف دہ تھا۔‘‘
ٹورنامنٹ سے قبل ہر کوئی کہہ رہا تھا کہ اس بار جرمنی مضبوط امیدوار نہیں۔ دو مرتبہ کے عالمی چیمپئن کرسٹوفر روہر نے کہا، ’’سب لوگ دوسری ٹیموں کے بارے میں بات کر رہے تھے، لیکن ہم نے دکھا دیا کہ ہم کیا کر سکتے ہیں۔‘‘
یہ جرمنی کا ہاکی ورلڈ کپ میں چوتھا ٹائٹل ہے، جس کے بعد وہ سب سے زیادہ عالمی کپ جیتنے والی ٹیموں کی فہرست میں پاکستان کے برابر آگیا ہے۔ دلچسپ امر یہ ہے کہ پاکستان نے اپنا آخری ورلڈ کپ ٹائٹل 1994 میں جیتا تھا، جبکہ جرمنی نے اپنا پہلا عالمی اعزاز 2002 میں حاصل کیا، یعنی پاکستان کی آخری فتح کے آٹھ سال بعد –