جنوبی افریقہ میں 2 فائرنگ کے واقعات، 27 افراد ہلاک
جنوبی افریقہ کے شہر جوہانسبرگ اور کیپ ٹاؤن کے قریب چند گھنٹوں کے دوران فائرنگ کے 2 الگ واقعات میں کم از کم 27 افراد ہلاک اور 26 زخمی ہو گئے پولیس کے مطابق دونوں واقعات میں تاحال کسی مشتبہ شخص کو گرفتار نہیں کیا گیا
جوہانسبرگ کے جنوب مغرب میں واقع وڈیلا ٹاؤن شپ میں 8 مسلح افراد نے ایک بار کے باہر موجود لوگوں پر فائرنگ کی اور بعد میں اندر داخل ہو کر بھی فائرنگ جاری رکھی پولیس کے مطابق اس واقعے میں 17 افراد ہلاک اور 15 زخمی ہوئے ہلاک ہونے والوں میں 13 مرد اور 4 خواتین شامل ہیں
پولیس کا کہنا ہے کہ حملہ آوروں نے فرار ہونے سے پہلے بعض افراد کی تلاشی لی اور ان کے موبائل فون بھی لے گئے مشتبہ افراد نے 2 گاڑیوں کو آگ لگا دی اور پھر وہاں سے فرار ہو گئے پولیس کے مطابق حملے کی وجہ ابھی معلوم نہیں ہو سکی، تاہم بظاہر یہ گزشتہ ماہ اسی مقام پر پیش آنے والے ایک واقعے کے ردعمل میں کیا گیا حملہ ہو سکتا ہے
دوسرا واقعہ کیپ ٹاؤن کے قریب لوانڈلے ٹاؤن شپ میں اتوار کی صبح پیش آیا، جہاں ایک تفریحی مقام پر مسلح افراد نے فائرنگ کی پولیس کے مطابق 10 افراد ہلاک اور 11 زخمی ہوئے سوشل میڈیا پر سامنے آنے والی ویڈیوز میں فائرنگ سے پہلے لوگوں کو وہاں موجود دکھایا گیا ہے، جس کے بعد لوگ جان بچانے کے لیے ادھر ادھر بھاگتے نظر آئے
جنوبی افریقہ میں غیر قانونی اسلحے، گروہی دشمنیوں اور منظم جرائم کے باعث فائرنگ کے واقعات ایک بڑا مسئلہ ہیں رواں ہفتے ڈربن کے قریب ایک گھر میں ہونے والی فائرنگ میں بھی 11 افراد ہلاک ہوئے تھے
سرکاری اعداد و شمار کے مطابق اپریل سے جون تک 3 ماہ کے دوران جنوبی افریقہ میں 5,427 افراد قتل ہوئے، یعنی روزانہ تقریباً 60 افراد قتل ہوئے حکومت نے جرائم سے متاثرہ علاقوں میں پولیس کی مدد کے لیے فوج بھی تعینات کر رکھی ہے