ٹرمپ کی کینیڈا پر ایک بار پھر سخت تنقید، جوابی ٹیرف سے قبل کشیدگی میں اضافہ
امریکی صدر ڈونلڈ ٹرمپ نے کینیڈا کے خلاف ایک بار پھر سوشل میڈیا پر سخت مؤقف اختیار کیا ہے، جبکہ کینیڈا کی جانب سے امریکی مصنوعات پر نئے جوابی ٹیرف منگل 8 ستمبر سے نافذ ہونے جا رہے ہیں
ٹرمپ نے حالیہ دنوں میں کینیڈا کو تجارتی معاملات پر تنقید کا نشانہ بنایا اور امریکی مارکیٹ میں کینیڈین مصنوعات کی رسائی کو محدود کرنے کی دھمکیاں بھی دی ہیں تازہ کشیدگی میں کینیڈین طیارہ ساز کمپنی بھی امریکی صدر کی تنقید کا نشانہ بنی ہے
دوسری جانب کینیڈا نے امریکا کی جانب سے عائد کیے گئے 50 فیصد ٹیرف کے جواب میں تقریباً 27.6 ارب کینیڈین ڈالر مالیت کی امریکی مصنوعات پر جوابی محصولات عائد کرنے کا فیصلہ کیا ہے ان میں اسٹیل، ایلومینیم، گھریلو آلات، ڈیری مصنوعات، فرنیچر، کپڑے اور دیگر اشیا شامل ہیں
وزیراعظم مارک کارنی کی حکومت کا کہنا ہے کہ کینیڈا اپنے کاروبار، کارکنوں اور قومی مفادات کا تحفظ کرے گا، جبکہ دونوں ممالک کے درمیان تجارتی مذاکرات کے تعطل کے باعث صورتحال مزید پیچیدہ ہو گئی ہے
ماہرین کے مطابق اگر یہ تجارتی تنازع طویل ہوتا ہے تو اس کے اثرات دونوں ممالک میں کاروبار، قیمتوں، روزگار اور صارفین تک پہنچ سکتے ہیں
کینیڈا اور امریکا کے درمیان تجارتی جنگ ایک نئے اور زیادہ سنجیدہ مرحلے میں داخل ہوتی دکھائی دے رہی ہے