نیپال میں تباہ کن سیلاب، پن بجلی منصوبوں کی سرنگوں میں 900 سے زائد افراد کے پھنسے ہونے کا خدشہ
نیپال میں اچانک آنے والے تباہ کن سیلاب کے بعد امدادی ٹیمیں ملک کے تقریباً نصف درجن پن بجلی منصوبوں کی سرنگوں اور زیرِ زمین حصوں میں پھنسے 900 سے زائد افراد تک پہنچنے کی کوشش کر رہی ہیں
نیپال کے قدرتی آفات سے نمٹنے کے ذمہ دار ادارے کے مطابق شدید طغیانی اور سیلابی ریلوں نے متعدد علاقوں میں بڑے پیمانے پر تباہی مچائی ہے، جبکہ پن بجلی منصوبوں کے زیرِ زمین حصوں میں موجود کارکنوں سے رابطہ اور ان تک رسائی ایک بڑا چیلنج بن گئی ہے
حکام کا کہنا ہے کہ امدادی کارروائیاں جاری ہیں اور ریسکیو ٹیمیں ان مقامات تک پہنچنے کی کوشش کر رہی ہیں جہاں کارکنوں کے سرنگوں یا دیگر زیرِ زمین حصوں میں محصور ہونے کا خدشہ ہے،سیلاب کے باعث راستوں، انفراسٹرکچر اور مواصلاتی نظام کو پہنچنے والے نقصان نے امدادی سرگرمیوں کو مزید مشکل بنا دیا ہے
حالیہ سیلابی ریلوں نے نیپال کے پہاڑی علاقوں میں بڑے پیمانے پر نقصان پہنچایا ہے، جہاں اچانک آنے والی طغیانی انتہائی تیزی سے دریا اور ندی نالوں کے اطراف موجود آبادیوں اور تعمیراتی مقامات کو اپنی لپیٹ میں لے سکتی ہے
900 سے زائد افراد کی موجودگی اور ان کی صورتحال کے بارے میں مکمل معلومات ابھی سامنے نہیں آئی ہیں، تاہم امدادی ادارے ان کارکنوں تک فوری رسائی حاصل کرنے کی دوڑ میں ہیں