کولمبیا میں صدارتی تقریب سے چند روز قبل بم دھماکا، 11 افراد زخمی

کولمبیا کے دارالحکومت بوگوٹا میں بم دھماکے کے نتیجے میں 11 افراد زخمی ہو گئے، یہ واقعہ ملک میں نئے صدر کی حلف برداری سے چند روز قبل پیش آیا۔
حکام کے مطابق دھماکے کے بعد سیکیورٹی اداروں نے علاقے کو گھیرے میں لے لیا اور واقعے کی تحقیقات شروع کر دی ہیں۔ زخمیوں کو فوری طور پر اسپتال منتقل کیا گیا، تاہم کسی ہلاکت کی اطلاع نہیں ملی۔
یہ دھماکا ایسے وقت میں ہوا ہے جب کولمبیا میں نئی حکومت کی تشکیل اور صدارتی تقریب کی تیاریاں جاری ہیں۔ سیکیورٹی اداروں نے ممکنہ حملہ آوروں اور دھماکے کے محرکات کا تعین کرنے کے لیے تحقیقات تیز کر دی ہیں۔
حکام نے شہریوں کو یقین دلایا ہے کہ صدارتی تقریب اور اہم سرکاری تنصیبات کی حفاظت کے لیے سیکیورٹی اقدامات مزید سخت کیے جا رہے ہیں