مڈٹرم انتخابات میں 10 امیدوار تاریخ رقم کرنے کے قریب، کامیابی کی صورت میں امریکی سیاست میں کئی نئی تاریخیں رقم ہوں گی
واشنگٹن:3 نومبر کے مڈٹرم انتخابات امریکی تاریخ کے کئی حوالوں سے غیر معمولی انتخابات ثابت ہو سکتے ہیں،سیاسی اشتہارات پر 11 ارب ڈالر سے زیادہ اخراجات متوقع ہیں، جو امریکی انتخابی تاریخ میں اب تک کی سب سے بڑی رقم ہوگی،تجزیاتی ادارے ایڈ امپیکٹ کے مطابق انتخابی مہمات پر اخراجات کا یہ حجم ایک نیا ریکارڈ ہے
ان انتخابات میں کانگریس کی ساخت بھی بڑے پیمانے پر تبدیل ہونے کا امکان ہے،درجنوں ارکان کانگریس استعفے دے چکے ہیں، ریٹائر ہو رہے ہیں یا دوسرے عہدوں کے لیے انتخاب لڑ رہے ہیں،دوسری جانب سیاسی جماعتوں نے انتخابی کامیابی کے امکانات بڑھانے کے لیے مردم شماری کے درمیانی عرصے میں بھی کانگریس کے انتخابی حلقوں کی نئی حد بندیاں کی ہیں،نیشنل کانفرنس آف اسٹیٹ لیجسلیچرز کے مطابق اس پیمانے پر حلقہ بندیوں کی تبدیلی 1800ء کی دہائی کے بعد غیر معمولی ہے
ان انتخابات کا ایک اہم پہلو نمائندگی کے حوالے سے ممکنہ تاریخی تبدیلیاں بھی ہیں، رٹگرز یونیورسٹی کے مرکز برائے امریکی خواتین و سیاست کے مطابق ملک بھر میں گورنر کے عہدوں کے لیے ریکارڈ 26 خواتین امیدوار میدان میں ہیں،کانگریس کے متعدد امیدوار کامیاب ہو کر امریکی سیاسی تاریخ میں پہلی مرتبہ کسی مخصوص عہدے یا نمائندگی تک پہنچ سکتے ہیں
ٹائم میگزین نے اپنی رپورٹ میں ایسے 10 امیدواروں کی نشاندہی کی ہے جن کی کامیابی امریکی سیاست میں نئی تاریخ رقم کر سکتی ہے،ان میں ایوان نمائندگان کی پہلی سیاہ فام اسپیکر بننے کا امکان بھی زیر بحث ہے،جنوبی کیرولائنا کے رکن کانگریس جوزف رینی کو اس عہدے کے لیے ممکنہ تاریخی مثال کے طور پر یاد کیا گیا ہے
یہ انتخابات ایسے وقت ہو رہے ہیں جب صدر ڈونلڈ ٹرمپ کی عوامی مقبولیت مڈٹرم انتخابات سے پہلے کسی امریکی صدر کے لیے تاریخی طور پر کم سطح پر قرار دی جا رہی ہے
