کینیڈا میں کینسر تحقیق کے لیے تاریخ کا سب سے بڑا 10 کروڑ ڈالر کا عطیہ
ٹورنٹو میں پرنسس مارگریٹ کینسر فاؤنڈیشن کو ایک گمنام عطیہ دہندہ نے 10 کروڑ ڈالر عطیہ کیے ہیں، جو فاؤنڈیشن کی تاریخ میں کسی ایک فرد یا ادارے کی جانب سے دیا جانے والا سب سے بڑا عطیہ ہے
فاؤنڈیشن کی صدر اور چیف ایگزیکٹو میو یاماشیتا نے منگل کی شام منعقد ہونے والی فنڈ ریزنگ مہم کی تقریب میں بتایا کہ یہ عطیہ کینسر کے خلاف تحقیق، تعلیم اور علاج کے شعبوں میں فاؤنڈیشن کے کام کو غیر معمولی طور پر وسعت دینے میں مدد دے گا
انہوں نے کہا کہ یہ رقم فاؤنڈیشن کے لیے تبدیلی کا باعث بننے والی ہے اور کینسر کی تحقیق اور تعلیم کے لیے نئے مواقع پیدا کرے گی ان کے مطابق یہ کینسر سے متعلق تحقیق، تعلیم اور دیگر طبی سرگرمیوں کے لیے فاؤنڈیشن کو ملنے والا اب تک کا سب سے بڑا واحد عطیہ ہے
یہ رقم ایسے وقت میں سامنے آئی ہے جب کینسر کے علاج کے ساتھ ساتھ نئی ادویات، جدید تشخیصی طریقوں اور ذاتی نوعیت کے علاج پر تحقیق میں بڑے پیمانے پر سرمایہ کاری کی ضرورت بڑھ رہی ہے پرنسس مارگریٹ کینسر سینٹر ٹورنٹو میں کینسر کے علاج اور تحقیق کا ایک اہم مرکز ہے جہاں مختلف اقسام کے کینسر کے مریضوں کے علاج کے ساتھ نئی طبی ٹیکنالوجی اور علاج کے طریقوں پر تحقیق بھی کی جاتی ہے
فاؤنڈیشن کے مطابق اس نوعیت کی بڑی نجی معاونت سے محققین کو طویل مدتی منصوبوں پر کام کرنے، جدید طبی سہولتوں کو بہتر بنانے اور کینسر کے مریضوں کے لیے علاج کے نئے طریقے تیار کرنے میں مدد مل سکتی ہے تاہم عطیہ دینے والے شخص یا ادارے کی شناخت ظاہر نہیں کی گئی