امریکی ریاست ورجینیا کی سینیٹر لوئس لوکاس بدعنوانی کے الزامات میں حکام کے سامنے پیش، منی لانڈرنگ کی سازش کا مقدمہ درج
امریکی ریاست ورجینیا کی سینئر ڈیموکریٹ سینیٹر ایل لوئس لوکاس نے مبینہ عوامی بدعنوانی کے مقدمے میں حکام کے سامنے خود کو پیش کر دیا ہے، ان پر منظم مجرمانہ سرگرمیوں اور منی لانڈرنگ کی سازش کے الزامات عائد کیے گئے ہیں،یہ مقدمہ بھنگ کے کاروبار سے متعلق ہے جس میں سینیٹر کی مشترکہ ملکیت بتائی گئی ہے
امریکی نشریاتی ادارے این بی سی نیوز کے مطابق، استغاثہ کا الزام ہے کہ اس معاملے میں عوامی عہدے سے وابستہ اختیارات اور کاروباری مفادات کے درمیان ممکنہ غیر قانونی روابط کی تحقیقات کی جا رہی ہیں،لوئس لوکاس ورجینیا کی ڈیموکریٹک جماعت کی بااثر قانون سازوں میں شمار ہوتی ہیں
سینیٹر کے حکام کے سامنے پیش ہونے کے بعد ان کے خلاف الزامات کی قانونی کارروائی اہم مرحلے میں داخل ہو گئی ہے،تاہم، الزامات عائد ہونا جرم ثابت ہونے کے مترادف نہیں، اور مقدمے میں ان کی قانونی حیثیت کا تعین عدالتی کارروائی کے ذریعے ہوگا