امریکی وسط مدتی انتخابات: ابتدائی ووٹنگ شروع، کانگریس کا کنٹرول داؤ پر
ورجینیا میں 2026 کے امریکی وسط مدتی انتخابات کے لیے ابتدائی ووٹنگ آج، 18 ستمبر سے شروع ہوگئی ہے، جس کے ساتھ 3 نومبر کے عام انتخابات تک آخری چھ ہفتوں کا انتخابی مرحلہ شروع ہوگیا،انتخابات میں ایوان نمائندگان اور سینیٹ کے ساتھ مختلف ریاستوں کے گورنروں اور ریاستی قانون ساز اداروں کے لیے بھی ووٹنگ ہوگی
دیگر ریاستوں میں بھی ابتدائی یا بالمشافہ غیرحاضری ووٹنگ شروع ہو رہی ہے،آئیڈاہو، مینیسوٹا اور ساؤتھ ڈکوٹا میں بعض ووٹرز اپنے مقامی انتخابی دفاتر یا ووٹنگ مراکز پر غیرحاضری بیلٹ کے ذریعے ووٹ ڈال سکتے ہیں، جبکہ آنے والے ہفتوں میں مزید ریاستوں میں وسیع پیمانے پر ابتدائی ووٹنگ شروع ہوگی
3 نومبر کے انتخابات میں کانگریس کے دونوں ایوانوں میں موجود ریپبلکن اکثریتیں برقرار رہنے یا تبدیل ہونے کا فیصلہ ہوگا،ورجینیا میں امریکی سینیٹ کی ایک نشست اور ایوان نمائندگان کی 11 نشستیں بھی انتخابی میدان میں ہیں
انتخابات ایسے وقت میں ہو رہے ہیں جب امریکی ووٹرز کے لیے اشیائے ضروریہ اور روزمرہ اخراجات، ایران کی طویل جنگ، امیگریشن، روزگار اور مصنوعی ذہانت جیسے معاملات اہم سیاسی موضوعات بن چکے ہیں،اے پی کے مطابق صدر ڈونلڈ ٹرمپ کی انتظامیہ نے ووٹنگ کے طریقہ کار میں تبدیلیوں، غیرشہری ووٹرز کی تلاش اور حساس ووٹر ڈیٹا تک وفاقی رسائی کے لیے اقدامات کیے ہیں، جبکہ انتخابی حکام کا کہنا ہے کہ وہ انتخابات کو محفوظ اور درست انداز میں کرانے کے لیے تیار ہیں
دریں اثنا، سپریم کورٹ نے حال ہی میں ٹرمپ انتظامیہ کی میل اِن ووٹنگ کے نظام میں بڑے پیمانے پر تبدیلی کی کوشش کو روک دیا، جس کے بعد ریاستیں موجودہ طریقہ کار کے تحت انتخابات کی تیاری جاری رکھ سکتی ہیں
یوں 2026 کے وسط مدتی انتخابات کا باقاعدہ ووٹنگ مرحلہ شروع ہوگیا ہے، جبکہ کانگریس کے آئندہ دو برس کے قانون سازی اور صدارتی انتظامیہ کی نگرانی کے اختیارات کا فیصلہ نومبر کے نتائج سے ہوگا