کنٹری گلوکارہ ولو ایولن، خواتین کے انتقام کی فلمی کہانیاں گیتوں میں سمیٹ لائیں، وہ سوچتی بھی فلمی انداز میں ہیں
امریکی کنٹری موسیقی کی ابھرتی ہوئی گلوکارہ ولو ایولن اپنے نئے البم “پنک پاکٹ پسٹل” میں خواتین کے ساتھ ناانصافی اور ان کے بدلے کی کہانیوں کو ایسے انداز میں پیش کرتی ہیں جیسے سننے والا کوئی فلم دیکھ رہا ہو
ایولن کا دوسرا البم مختلف مختصر مگر ڈرامائی کہانیوں پر مشتمل ہے، جن میں زیادہ تر ایک ایسے مرد کا ذکر ہے جس نے خود گلوکارہ یا کسی دوسری عورت کے ساتھ برا سلوک کیا،ان گیتوں میں دکھ، غصے اور انتقام کو روایتی کنٹری موسیقی کے انداز میں ایک سنیما جیسی فضا کے ساتھ پیش کیا گیا ہے
ولو ایولن کا کہنا ہے کہ وہ اپنی زندگی میں ہونے والی ہر چیز کو فلمی انداز میں سوچتی ہیں،ان کے مطابق بچپن میں وہ زیادہ ٹیلی ویژن یا فلمیں نہیں دیکھتی تھیں، لیکن جب بھی دیکھتیں تو پرانی کلاسک فلمیں اور ٹی وی پروگرام، خصوصاً الفریڈ ہچکاک کی فلمیں اور پرانے امریکی کامیڈی شوز دیکھتی تھیں
وہ کہتی ہیں کہ جب وہ کوئی گانا لکھنا شروع کرتی ہیں تو ان کے ذہن میں صرف الفاظ اور دھن نہیں ہوتیں بلکہ وہ اس گانے کے ساتھ جڑے مکمل مناظر بھی تصور کر رہی ہوتی ہیں
ولو ایولن ہفتے کو واشنگٹن ڈی سی کے 9:30 کلب میں اپنے نئے البم کے گیت پیش کریں گی، جہاں ان کی ریٹرو انداز کی کنٹری موسیقی اور خواتین کے انتقام پر مبنی یہ کہانیاں سامعین کے سامنے ہوں گی