حیدرآباد کے ہوٹل میں 26 سالہ خاتون پر اسرار طور پر مردہ پائی گئی: اہل خانہ کا قتل کا الزام، پولیس تحقیقات شروع
بھارتی شہر حیدرآباد میں ایک 26 سالہ خاتون ہوٹل کے کمرے میں مردہ حالت میں پائی گئی، جہاں وہ ایک مرد کے ساتھ ٹھہری تھی۔ واقعے کے بعد علاقے میں سنسنی پھیل گئی اور پولیس نے مختلف پہلوؤں سے تحقیقات شروع کر دی ہیں۔
مقامی اطلاعات کے مطابق خاتون ایک مرد کے ساتھ ہوٹل میں داخل ہوئی تھی، تاہم اگلی صبح اس کی لاش کمرے سے برآمد ہوئی۔ واقعے کے فوراً بعد ہوٹل انتظامیہ نے پولیس کو اطلاع دی۔
اہل خانہ نے اس واقعے کو قتل قرار دیتے ہوئے سخت شبہات کا اظہار کیا ہے اور مکمل تحقیقات کا مطالبہ کیا ہے۔ ان کا کہنا ہے کہ واقعہ بظاہر مشکوک ہے اور اسے صرف طبعی موت قرار نہیں دیا جا سکتا۔
پولیس حکام کے مطابق تمام ممکنہ پہلوؤں پر تفتیش جاری ہے، جس میں سی سی ٹی وی فوٹیج، ہوٹل رجسٹر اور ساتھ آنے والے شخص کے بیان کو بھی شامل کیا جا رہا ہے۔ حکام کا کہنا ہے کہ اصل حقیقت پوسٹ مارٹم رپورٹ اور مکمل تحقیقات کے بعد سامنے آئے گی
