ورلڈ کپ: میکسیکو نے ایکواڈور کو 0-2 سے شکست دے کر 40 سالہ ناک آؤٹ “نحوست” توڑ دی
میکسیکو سٹی: فیفا ورلڈ کپ کے ناک آؤٹ مرحلے میں میکسیکو قومی فٹبال ٹیم نے شاندار کارکردگی کا مظاہرہ کرتے ہوئے ایکواڈور کو 0-2 سے شکست دے کر 40 سال سے جاری ناک آؤٹ مرحلے کی ناکامی کا سلسلہ ختم کر دیا۔
میچ کا آغاز تاخیر سے ہوا کیونکہ ایزٹیکا اسٹیڈیم میں شدید بارش اور طوفانی موسم کے باعث کھیل ایک گھنٹے کے لیے روکنا پڑا۔
تاہم میچ شروع ہوتے ہی میزبان ٹیم نے جارحانہ انداز اپنایا اور مسلسل حملوں سے حریف ٹیم پر دباؤ برقرار رکھا۔ پہلے ہاف کے وسط میں جولین کوئنیونس نے ایک زوردار شاٹ کے ذریعے گول کر کے اپنی ٹیم کو برتری دلائی۔
بعد ازاں انہوں نے ایک اور اہم موقع پر راؤل خیمنیز کو گول بنانے میں مدد فراہم کی، جس سے میکسیکو کی برتری 0-2 ہو گئی اور یہی نتیجہ میچ کے اختتام تک برقرار رہا۔
اس فتح کے ساتھ میکسیکو نے نہ صرف اگلے مرحلے میں جگہ بنائی بلکہ ورلڈ کپ کی ناک آؤٹ تاریخ میں ایک اہم سنگ میل بھی عبور کیا