برطانیہ میں امیگریشن مخالف پرتشدد لہر، بیلفاسٹ میں فسادات بھڑک اٹھے
بیلفاسٹ (شمالی آئرلینڈ) — برطانیہ میں امیگریشن مخالف جذبات ایک بار پھر پرتشدد شکل اختیار کر گئے ہیں، جب دارالحکومت بیلفاسٹ میں ہنگاموں اور آتشزدگی کے واقعات نے شہر کو اپنی لپیٹ میں لے لیا۔
رپورٹ کے مطابق نقاب پوش افراد نے گھروں، گاڑیوں اور ایک بس کو آگ لگا دی، جس کے بعد کئی علاقے شدید بدامنی کا شکار ہو گئے۔ یہ واقعات اس وقت شروع ہوئے جب ایک سوڈانی پناہ گزین پر ایک شخص کو چاقو مارنے کا الزام لگا اور اس واقعے کی ویڈیو سوشل میڈیا پر تیزی سے وائرل ہو گئی۔
Belfast میں ہونے والے ان فسادات کے دوران ہجوم نے تارکینِ وطن کی آبادی والے علاقوں کو نشانہ بنایا، اور بعض جگہوں پر گھر گھر جا کر لوگوں کو خوفزدہ کیا گیا، جس کے نتیجے میں کچھ خاندانوں کو پولیس کی حفاظت میں علاقہ چھوڑنا پڑا۔
مقامی رہنماؤں اور مذہبی شخصیات کی جانب سے امن کی اپیلوں کے باوجود حالات قابو سے باہر ہوتے دکھائی دیے، اور شہر کی مختلف سڑکوں پر رات بھر کشیدگی برقرار رہی۔
یہ تازہ تشدد برطانیہ میں بڑھتے ہوئے امیگریشن مخالف رجحانات اور سماجی تقسیم کے تناظر میں ایک سنگین صورتحال کی نشاندہی کرتا ہے، جس پر حکام کو فوری ردعمل دینا پڑ رہا ہے