شمالی کیرولائنا میں ڈیموکریٹس کی پوزیشن مضبوط ہونے لگی، سینیٹ کی اہم نشست پر ری پبلکنز کو دباؤ کا سامنا
امریکی ریاست شمالی کیرولائنا میں ڈیموکریٹس کے لیے سیاسی امکانات بہتر ہوتے دکھائی دے رہے ہیں، خصوصاً سینیٹ کی اس نشست پر جہاں سابق ڈیموکریٹ گورنر رائے کوپر کا مقابلہ ری پبلکن سیاسی حکمت عملی ساز مائیکل واٹلی سے ہے،یہ مقابلہ ری پبلکن سینیٹر تھام ٹلس کے ریٹائر ہونے سے خالی ہونے والی نشست کے لیے ہو رہا ہے
انتخابی جائزوں، غیر جماعتی انتخابی درجہ بندیوں اور انتخابی مہم میں مالی وسائل کی تبدیلیوں سے ظاہر ہوتا ہے کہ ڈیموکریٹس اس مقابلے میں اپنی پوزیشن بہتر بنا رہے ہیں،گزشتہ ہفتے ری پبلکنز کی ایک قومی سیاسی تنظیم نے شمالی کیرولائنا سے اپنی انتخابی رقم نکال کر کنساس منتقل کر دی، جہاں ڈیموکریٹس کے لیے کامیابی کے امکانات پہلے نسبتاً کم سمجھے جا رہے تھے،دوسری جانب ڈیموکریٹک قیادت سے وابستہ ایک گروپ نے بھی شمالی کیرولائنا میں اپنے بعض اشتہارات بند کر دیے
یہ تبدیلیاں اس بات کی نشان دہی کرتی ہیں کہ شمالی کیرولائنا میں سینیٹ اور دیگر انتخابی مقابلوں پر سیاسی جماعتوں کی حکمت عملی بدل رہی ہے،ریاست کو اب زیادہ واضح طور پر ایک مقابلے کی ریاست سمجھا جا رہا ہے، اگرچہ 2008 میں صدر براک اوباما کی کامیابی کے سوا یہاں کے ووٹروں نے کئی دہائیوں سے صدارتی انتخابات میں ری پبلکن امیدواروں کی حمایت کی ہے
تاہم رائے کوپر کی انتخابی مہم اپنی کامیابی کو یقینی نہیں سمجھ رہی،مہم کے سربراہ جیف ایلن کے مطابق، شمالی کیرولائنا میں تقریباً دو دہائیوں سے کسی ڈیموکریٹ نے وفاقی سطح کے ریاستی سطح پر انتخاب میں کامیابی حاصل نہیں کی، اور ریاست میں دونوں جماعتوں کی حمایت تقریباً برابر ہے،ان کا کہنا ہے کہ مہم ہر ووٹ حاصل کرنے اور ووٹروں کو یہ باور کرانے کی کوشش کر رہی ہے کہ رائے کوپر ان کے مفادات کے لیے لڑیں گے
