اوپن ڈور کا بڑا فیصلہ، بھارت میں پوری ٹیم برطرف، ملازمتیں مصنوعی ذہانت کے دور میں امریکہ منتقل

نئی دہلی: امریکی ٹیکنالوجی کمپنی اوپن ڈور نے ایک بڑے تنظیمی فیصلے کے تحت بھارت میں اپنی پوری ٹیم ختم کرنے اور تقریباً ڈھائی سو ملازمتیں امریکہ منتقل کرنے کا اعلان کیا ہے، جسے کمپنی کی مصنوعی ذہانت پر مبنی نئی حکمتِ عملی کا حصہ قرار دیا جا رہا ہے۔

کمپنی ذرائع کے مطابق اوپن ڈور اپنی عالمی آپریشنل ساخت کو تبدیل کرتے ہوئے زیادہ چھوٹی لیکن مصنوعی ذہانت پر انحصار کرنے والی ٹیموں کی طرف بڑھ رہی ہے، جس کے باعث بھارت میں موجود بیشتر کردار غیر ضروری قرار دیے گئے ہیں۔

اس فیصلے کے بعد بھارت میں ٹیکنالوجی آؤٹ سورسنگ کے مستقبل پر نئی بحث شروع ہو گئی ہے، جہاں کئی ماہرین کا کہنا ہے کہ روایتی آؤٹ سورسنگ ماڈل تیزی سے تبدیل ہو رہا ہے اور مصنوعی ذہانت انسانی افرادی قوت کی جگہ لے رہی ہے۔

تجزیہ کاروں کے مطابق یہ قدم اس وسیع تر رجحان کی عکاسی کرتا ہے جس میں عالمی کمپنیاں کم لاگت انسانی وسائل کے بجائے خودکار نظاموں اور ذہین سافٹ ویئر پر زیادہ انحصار کر رہی ہیں۔

معاشی مبصرین نے خبردار کیا ہے کہ اگر یہ رجحان اسی رفتار سے جاری رہا تو بھارت جیسے ممالک، جو طویل عرصے سے آئی ٹی آؤٹ سورسنگ کے عالمی مرکز رہے ہیں، انہیں روزگار اور برآمدی آمدنی کے حوالے سے نئے چیلنجز کا سامنا کرنا پڑ سکتا ہ