امریکی عدالت کا بڑا فیصلہ: ٹرمپ کا ایک لاکھ ڈالر ایچ-ون بی ویزا فیس منصوبہ غیر آئینی قرار دے کر کالعدم۔
واشنگٹن/بوسٹن: امیگریشن پالیسی پر ایک بڑے عدالتی فیصلے میں ڈونلڈ ٹرمپ کی انتظامیہ کی جانب سے نافذ کردہ 100,000 ڈالر ایچ-1 بی ویزا فیس کو امریکی عدالت نے غیر آئینی قرار دیتے ہوئے مسترد کر دیا ہے۔

یہ فیصلہ لیو سوروکن نے بوسٹن میں سنایا، جس میں کہا گیا کہ یہ بھاری فیس دراصل ایک ٹیکس کے مترادف ہے جس کے نفاذ کی اجازت امریکی کانگریس نے نہیں دی تھی، اس لیے اسے آئینی اختیار سے تجاوز قرار دیا گیا ہے۔
عدالت نے اپنے 42 صفحات پر مشتمل فیصلے میں واضح کیا کہ انتظامیہ نے اس فیس کو ایک ریگولیٹری چارج کے طور پر پیش کیا، لیکن اس کی عملی نوعیت ایک ٹیکس جیسی ہے، جو آئینی طور پر صرف قانون ساز ادارے ہی عائد کر سکتے ہیں۔

یہ مقدمہ 20 ڈیموکریٹک ریاستوں کے اتحاد کی جانب سے دائر کیا گیا تھا، جنہوں نے مؤقف اختیار کیا کہ یہ پالیسی نہ صرف امیگریشن قوانین کی خلاف ورزی ہے بلکہ انتظامی اختیارات کے دائرے سے بھی تجاوز کرتی ہے۔

یاد رہے کہ ٹرمپ انتظامیہ نے ستمبر میں یہ فیس اس دلیل کے ساتھ متعارف کرائی تھی کہ اس کا مقصد امریکیملازمتوں کے تحفظ اور اعلیٰ ہنر مند غیر ملکی کارکنوں کی آمد کو محدود کرنا ہے۔ اس سے قبل ایچ-ون بی ویزا فیس عام طور پر 2,000 سے 5,000 ڈالر کے درمیان ہوتی تھی۔۔

تجزیہ کاروں کے مطابق یہ فیصلہ امریکہ میں امیگریشن پالیسی اور ایگزیکٹو پاور کے درمیان جاری قانونی کشمکش کا ایک نیا باب ہے، جس کے اثرات مستقبل میں ٹیکنالوجی کمپنیوں اور ہائی اسکلڈ لیبر مارکیٹ پر بھی پڑ سکتے ہیں۔

عدالتی فیصلے کے بعد اب یہ معاملہ مزید اعلیٰ عدالتوں میں جانے کا امکان ہے، کیونکہ ایک اور وفاقی عدالت اس فیس کے حق میں پہلے ہی فیصلہ دے چکی ہے، جس سے قانونی تصادم کی صورتحال پیدا ہو گئی ہے۔

مجموعی طور پر یہ فیصلہ امریکی امیگریشن پالیسی میں ایک اہم موڑ سمجھا جا رہا ہے، جہاں ہنر مند غیر ملکی کارکنوں کے لیے قواعد ایک بار پھر غیر یقینی صورتحال کا شکار ہو گئے ہی