راجستھان کے دو سا میں دل دہلا دینے والا حادثہ، بس ٹرک سے ٹکرا کر شعلوں کی لپیٹ میں، آٹھ افراد جاں بحق
راجستھان کے دو سا میں دل دہلا دینے والا حادثہ، بس ٹرک سے ٹکرا کر شعلوں کی لپیٹ میں، آٹھ افراد جاں بحق
بھارت کی ریاست راجستھان کے ضلع دو سا میں ایک خوفناک ٹریفک حادثے میں آٹھ افراد جان کی بازی ہار گئے جبکہ بائیس زخمی ہو گئے۔
ابتدائی اطلاعات کے مطابق ایک مسافر بس جو رشیکیش سے اندور جا رہی تھی، ایک ٹرک سے ٹکرا گئی۔ ٹکر کے بعد بس میں اچانک آگ بھڑک اٹھی اور دیکھتے ہی دیکھتے پوری گاڑی شعلوں کی لپیٹ میں آ گئی۔
ریسکیو اداروں نے موقع پر پہنچ کر آگ پر قابو پایا اور زخمیوں کو قریبی اسپتال منتقل کیا، جہاں کئی افراد کی حالت تشویشناک بتائی جا رہی ہے۔
حکام کے مطابق حادثے کی وجوہات جاننے کے لیے تحقیقات شروع کر دی گئی ہیں، تاہم ابتدائی طور پر اسے تیز رفتاری اور ممکنہ غفلت کا نتیجہ قرار دیا جا رہا ہے۔
یہ حادثہ ایک بار پھر بھارت میں طویل فاصلے کی سڑکوں پر ٹریفک حادثات کی بڑھتی ہوئی شرح اور حفاظتی اقدامات پر سوالات اٹھا رہا ہے
