ورلڈ کپ کی چمک کے سائے میں میکسیکو کا بحران، لاپتہ افراد کی تعداد ایک لاکھ تیس ہزار سے تجاوز

2026 فیفا ورلڈ کپ کے دوران میکسیکو میں انسانی حقوق کے ایک سنگین بحران نے عالمی توجہ حاصل کر لی ہے، جہاں کارٹل تشدد اور اغوا کے واقعات کے باعث لاپتہ افراد کی تعداد ایک لاکھ تیس ہزار سے بڑھ چکی ہے۔

رپورٹ کے مطابق میکسیکو میں فٹبال کے بڑے اسٹیڈیم ایستادیو ازتیکا کے آس پاس بھی کشیدگی اور سیکیورٹی خدشات کے سائے موجود ہیں، جبکہ متاثرہ خاندان انصاف کے مطالبے کے لیے مسلسل احتجاج کر رہے ہیں۔

مقامی خاندانوں کا کہنا ہے کہ ان کے پیارے طویل عرصے سے لاپتہ ہیں اور حکام کی جانب سے انہیں مکمل جواب نہیں مل رہا۔ متاثرین نے الزام عائد کیا ہے کہ ریاستی ادارے ان کے مسائل کو حل کرنے میں ناکام رہے ہیں، جس کے باعث عوامی غصہ بڑھتا جا رہا ہے۔

رپورٹ میں دو متاثرہ خاندانوں کی کہانیوں کو اجاگر کیا گیا ہے جو پولیس اور حکومتی اداروں کے سامنے اپنے پیاروں کی تلاش اور انصاف کے لیے مسلسل جدوجہد کر رہے ہیں۔

تجزیہ کاروں کے مطابق اس صورتحال نے ایک بار پھر یہ سوال کھڑا کر دیا ہے کہ ایک ایسے ملک میں جہاں سیکیورٹی کا بحران سنگین ہو، وہاں اتنا بڑا بین الاقوامی کھیلوں کا ایونٹ کس حد تک محفوظ اور مؤثر انداز میں منعقد کیا جا سکتا ہے۔

یہ بحران میکسیکو میں فٹبال کے عالمی جشن کے ساتھ ساتھ ایک گہری سماجی اور انسانی المیے کو بھی دنیا کے سامنے لا رہا ہے، جس پر عالمی سطح پر بحث شدت اختیار کر رہی ہے