سیان پتی کی حد کردی ، 36 سال تک 300 سے زائد لگژری ہوٹلوں کو دھوکہ دینے والا 69 سالہ شخص گرفتار

بھارت کے شہر راے پور میں پولیس نے ایک 69 سالہ شخص کو گرفتار کیا ہے جس پر الزام ہے کہ وہ گزشتہ 36 برسوں کے دوران 300 سے زائد لگژری ہوٹلوں کو دھوکہ دیتا رہا۔

پولیس کے مطابق ملزم، جس کی شناخت جان کے نام سے کی گئی ہے، نے حالیہ واقعے میں 25 جون کو ایک فائیو اسٹار ہوٹل حیات ہوٹل میں چیک اِن کیا اور 27 جون کی صبح بغیر باقاعدہ چیک آؤٹ کیے ہوٹل سے چلا گیا۔

حکام کے مطابق ملزم نے 63,755 روپے کا واجب الادا بل ادا نہیں کیا اور ساتھ ہی ایک لیپ ٹاپ بھی اپنے ساتھ لے گیا جس کی مالیت تقریباً 1.48 لاکھ روپے بتائی جا رہی ہے۔ یہ لیپ ٹاپ اسے ہوٹل انتظامیہ نے درخواست پر فراہم کیا تھا۔

پولیس کا کہنا ہے کہ ابتدائی تحقیقات میں یہ بات سامنے آئی ہے کہ ملزم ایک منظم انداز میں مختلف شہروں کے مہنگے ہوٹلوں کو نشانہ بناتا رہا، جہاں وہ قیام کے بعد ادائیگی کیے بغیر غائب ہو جاتا تھا۔

حکام کے مطابق اس کے خلاف مزید تحقیقات جاری ہیں تاکہ یہ معلوم کیا جا سکے کہ آیا اس نیٹ ورک میں کوئی اور افراد بھی شامل تھے یا نہیں، اور اس نے گزشتہ تین دہائیوں میں کتنے ہوٹلوں کو نقصان پہنچایا ہے