وزیرِاعظم شہباز شریف کا ایران اور ترکیہ کا دورہ، ایرانی سپریم لیڈر کی تدفین میں شرکت کریں گے

اسلام آباد: دفتر خارجہ نے اعلان کیا ہے کہ وزیرِاعظم شہباز شریف 3 سے 5 جولائی کے دوران ایران اور ترکیہ کا سرکاری دورہ کریں گے، جہاں وہ ایران کے مرحوم سپریم لیڈر کی تدفین کی تقریبات میں بھی شرکت کریں گے۔

ترجمان دفتر خارجہ طاہر اندرابی کے مطابق وزیرِاعظم پہلے ایران جائیں گے، جہاں وہ مرحوم رہنما کی آخری رسومات میں شریک ہوں گے، جبکہ بعد ازاں وہ ترکیہ کا دورہ کریں گے۔

بیان کے مطابق اس وفد میں نائب وزیرِاعظم اور وزیرِخارجہ اسحاق ڈار سمیت کابینہ کے دیگر اہم ارکان اور سینئر حکام بھی شامل ہوں گے۔

دفتر خارجہ نے کہا ہے کہ یہ دورہ خطے کی موجودہ صورتحال کے تناظر میں اہم سفارتی پیش رفت ہے، جس کا مقصد علاقائی رابطوں اور مشاورت کو مزید مضبوط بنانا ہے۔

حکام کے مطابق اعلیٰ سطحی شرکت خطے میں جاری سیاسی اور سکیورٹی حالات کے درمیان سفارتی روابط کو فعال رکھنے کی کوششوں کا حصہ ہے