چینی اے آئی میں تیزی: امریکی حریفوں کے قریب پہنچنے سے سائبر سکیورٹی اسٹاکس کے لیے مواقع
کراؤڈ اسٹرائیک سمیت سائبر سکیورٹی کمپنیوں کے لیے ایک مثبت مالیاتی امکان سامنے آیا ہے، کیونکہ ماہرین کے مطابق چین میں تیار ہونے والے مصنوعی ذہانت کے ماڈلز تیزی سے امریکی ٹیکنالوجی کے قریب پہنچ رہے ہیں۔
رپورٹ کے مطابق چینی اے آئی سسٹمز اب سافٹ ویئر میں موجود کمزوریوں کو شناخت کرنے کی صلاحیت میں نمایاں بہتری دکھا رہے ہیں، جس سے سائبر سکیورٹی کے شعبے میں طلب بڑھنے کا امکان ہے۔
جی پی مورگن کے تجزیہ کاروں کے مطابق اگرچہ یہ پیش رفت مجموعی طور پر اے آئی مارکیٹ کے لیے مسابقتی دباؤ پیدا کر سکتی ہے، لیکن اس کے نتیجے میں سائبر سکیورٹی کمپنیوں کے لیے نئے مواقع بھی پیدا ہوں گے۔

رپورٹ میں یہ بھی بتایا گیا ہے کہ چینی کمپنی ژیپو اے آئی کے تازہ ترین ماڈلز بعض معاملات میں امریکی ماڈلز کے برابر سمجھے جا رہے ہیں، خاص طور پر سافٹ ویئر بگز تلاش کرنے کی صلاحیت میں، تاہم ان کی اوپن اور قابلِ ترمیم ساخت انہیں غلط استعمال کے خدشات کے حوالے سے بھی حساس بناتی ہے۔

ماہرین کے مطابق جیسے جیسے اے آئی زیادہ طاقتور ہو رہا ہے، ویسے ویسے سائبر حملوں اور دفاع دونوں میں مقابلہ تیز ہوتا جا رہا ہے، جس سے اس صنعت میں سرمایہ کاری کے رجحانات بھی تبدیل ہو سکتے ہیں