پاکستان کا مطالبہ: بھارتی جیلوں میں سزا مکمل کرنے والے 97 قیدیوں کی فوری رہائی اور واپسی

پاکستان نے مطالبہ کیا ہے کہ بھارت کی جیلوں میں اپنی سزا مکمل کرنے والے 97 پاکستانی قیدیوں کو فوری طور پر رہا کر کے وطن واپس بھیجا جائے۔

وزارتِ خارجہ پاکستان کے مطابق ان قیدیوں میں 64 عام شہری اور 33 ماہی گیر شامل ہیں، جن کی رہائی کا مطالبہ باقاعدہ سفارتی سطح پر کیا گیا ہے۔

بیان میں کہا گیا ہے کہ دونوں ممالک کے درمیان قیدیوں کی فہرستوں کا تبادلہ سال میں دو مرتبہ ہوتا ہے، جو 2008 کے قونصلر رسائی معاہدے کے تحت کیا جاتا ہے، اور یہ عمل یکم جنوری اور یکم جولائی کو انجام دیا جاتا ہے۔

ماہرین کے مطابق یہ عمل دونوں ممالک کے درمیان انسانی بنیادوں پر تعاون کا اہم ذریعہ ہے، تاہم متعدد قیدی اب بھی مختلف وجوہات کے باعث جیلوں میں قید رہتے ہیں، جس پر انسانی حقوق کے حلقے مسلسل تشویش کا اظہار کرتے ہیں