ٹرمپ کا قطری تحفے میں ملنے والے نئے ایئر فورس ون میں پہلا پرواز کا تجربہ، خوشی کا اظہار

ڈونلڈ ٹرمپ نے اپنے نئے ایئر فورس ون طیارے میں پہلی پرواز کے دوران غیر معمولی جوش و خروش کا اظہار کرتے ہوئے قطر کا شکریہ ادا کیا ہے، جس نے یہ پرتعیش طیارہ بطور تحفہ فراہم کیا۔

امریکی صدر نے صحافیوں سے گفتگو کرتے ہوئے کہا کہ یہ ایک منفرد تجربہ ہے اور اس جیسا طیارہ اس سے پہلے کبھی نہیں دیکھا گیا، جبکہ انہوں نے یہ بھی دعویٰ کیا کہ امریکہ خود ایسا طیارہ تیار نہیں کر سکتا تھا، حالانکہ یہ بوئنگ 747-8 ماڈل کی ترمیم شدہ شکل ہے جو امریکا میں ہی تیار کیا گیا تھا۔

رپورٹ کے مطابق یہ طیارہ ریاستہائے متحدہ میں سرکاری مصروفیات اور دوروں کے لیے استعمال کیا جا رہا ہے، اور صدر اسے نارتھ ڈکوٹا کے دورے پر لے گئے جہاں وہ امریکی آزادی کی 250ویں سالگرہ کی تقریبات میں شریک ہوں گے۔

ماہرین کے مطابق یہ واقعہ نہ صرف سفارتی سطح پر توجہ کا مرکز بنا ہوا ہے بلکہ اس پر سیاسی حلقوں میں بھی بحث جاری ہے کہ آیا اس نوعیت کے غیر ملکی تحائف سرکاری حیثیت پر اثر انداز ہو سکتے ہیں یا نہیں