چین کا بڑا قدم: بیرونِ ملک سرمایہ کاری پر “قومی سلامتی” کے نئے سخت قواعد نافذ

چین نے بیرونِ ملک سرمایہ کاری پر نگرانی سخت کرتے ہوئے “قومی سلامتی” سے متعلق نئے وسیع قواعد نافذ کر دیے ہیں، جو عالمی سطح پر سرمایہ اور ٹیکنالوجی کی ترسیل پر گہرا اثر ڈال سکتے ہیں۔

رپورٹ کے مطابق یہ قوانین بدھ سے نافذ العمل ہو گئے ہیں اور حکومت کو قانونی طور پر یہ اختیار دیتے ہیں کہ وہ سرحد پار سرمایہ کاری، ٹیکنالوجی کی منتقلی اور انسانی وسائل کی نقل و حرکت پر زیادہ سخت کنٹرول رکھ سکے۔

بیجنگ کا مؤقف ہے کہ مصنوعی ذہانت، کمپیوٹر چپس اور گرین ٹیکنالوجی جیسے شعبے ملک کی معاشی اور اسٹریٹجک سلامتی کے لیے انتہائی اہم ہیں، اس لیے ان شعبوں میں بیرونی سرمایہ کاری اور ٹیکنالوجی پر کڑی نگرانی ضروری ہے۔

ماہرین کے مطابق یہ اقدام ایسے وقت میں سامنے آیا ہے جب امریکہ اور چین کے درمیان ٹیکنالوجی اور سرمایہ کاری کے میدان میں مسابقت تیزی سے بڑھ رہی ہے، اور دونوں ممالک اسٹریٹجک صنعتوں پر اپنی گرفت مضبوط کرنے کی کوشش کر رہے ہیں