اسرائیل کا بڑا اعلان: غزہ، لبنان اور شام میں سیکیورٹی زونز سے فوجی انخلاء نہیں ہوگا
اسرائیل کا بڑا اعلان: غزہ، لبنان اور شام میں سیکیورٹی زونز سے فوجی انخلاء نہیں ہوگا
اسرائیل کے وزیرِ دفاع نے واضح کیا ہے کہ اسرائیلی فوج غزہ، لبنان اور شام میں قائم کردہ سیکیورٹی زونز سے “غیر معینہ مدت” تک انخلاء نہیں کرے گی۔
وزیرِ دفاع اسرائیل کاٹز کے مطابق ان زونز میں فوج کی موجودگی کا مقصد شہری آبادی کو “دہشت گرد گروہوں” سے تحفظ فراہم کرنا ہے، اور اس پالیسی میں کسی فوری تبدیلی کا امکان نہیں۔
انہوں نے کہا کہ اسرائیلی دفاعی افواج لبنان، شام اور غزہ کے سیکیورٹی زونز میں اس وقت تک موجود رہیں گی جب تک مکمل سیکیورٹی صورتحال واضح نہیں ہو جاتی۔
بیان میں ایران کے حوالے سے بھی سخت لہجہ اختیار کیا گیا، جس میں کہا گیا کہ اگر ایران نے لبنان میں اسرائیلی کارروائیوں کے جواب میں کوئی حملہ کیا تو اسے “مکمل طاقت” سے جواب دیا جائے گا۔
دوسری جانب لبنان اور اسرائیل کے درمیان امریکی سرپرستی میں ایک فریم ورک معاہدہ بھی طے پایا ہے، جس کا مقصد امن کی راہ ہموار کرنا اور حزب اللہ کو غیر مسلح کرنے کی کوشش کرنا بتایا گیا ہے، تاہم زمینی سطح پر کشیدگی بدستور برقرار ہے
