ہیرے پھیری تین پر بڑا جھٹکا، ہدایت کار پریادرشن نے خود کو منصوبے سے الگ کر لیا
خبر:
بھارتی فلمی دنیا کی مقبول ترین مزاحیہ فلمی سیریز ’’ہیرے پھیری‘‘ کی تیسری قسط کو ایک بڑا دھچکا پہنچا ہے، جب معروف ہدایت کار پریادرشن نے اس منصوبے سے اپنی علیحدگی کی تصدیق کر دی ہے۔

اطلاعات کے مطابق فلم کی تیاری کے حوالے سے جاری قیاس آرائیوں کے بعد اب صورتحال مزید غیر یقینی ہو گئی ہے۔

فلم کے پروڈیوسر فیروز نادیہوالا نے ایک انٹرویو میں اشارہ دیا تھا کہ پریادرشن اس منصوبے کی ہدایت کاری نہیں کریں گے، جس کی اب خود ہدایت کار نے بھی تصدیق کر دی ہے۔

پریادرشن نے واضح طور پر کہا ہے کہ وہ فی الحال اس فلم سے وابستہ نہیں ہیں۔

ذرائع کے مطابق اس فیصلے کے پیچھے قانونی تنازعات اور ذاتی اختلافات کو بھی ایک اہم وجہ قرار دیا جا رہا ہے، جس کے باعث اس مشہور فلمی سلسلے کے مستقبل پر سوالیہ نشان لگ گیا ہے۔

فلمی شائقین کے لیے یہ خبر خاصی مایوس کن ہے، کیونکہ ’’ہیرے پھیری‘‘ کو بھارتی کامیڈی سنیما کی ایک کلاسک حیثیت حاصل ہے