رجسٹریشن اکیلا ہندو شادی کو قانونی حیثیت نہیں دیتا، ضروری مذہبی رسومات لازمی قرار: گجرات ہائی کورٹ

بھارت کی ریاست گجرات کی ہائی کورٹ نے ایک اہم فیصلے میں قرار دیا ہے کہ صرف شادی کی رجسٹریشن ہندو شادی کو قانونی طور پر درست ثابت نہیں کرتی، جب تک اس میں بنیادی مذہبی رسومات مکمل نہ کی جائیں۔

عدالت نے اپنے مشاہدے میں کہا کہ ہندو ازدواجی قانون کے تحت شادی کی قانونی حیثیت کے لیے روایتی رسومات، خصوصاً سات پھیرے (سپتپدی) جیسے بنیادی مراحل کا ادا ہونا لازمی ہے۔

فیصلے میں مزید کہا گیا کہ محض باہمی رضامندی اور رجسٹریشن اس وقت تک ایک مکمل اور قابلِ نفاذ شادی نہیں بناتے جب تک مذہبی و روایتی تقاضے پورے نہ کیے جائیں، کیونکہ ہندو شادی کا قانونی ڈھانچہ روایتی رسومات سے جڑا ہوا ہے۔

یہ فیصلہ شادی کے قانونی تصور، مذہبی رسومات اور ریاستی رجسٹریشن کے تعلق پر جاری بحث میں ایک اہم عدالتی نظیر کے طور پر دیکھا جا رہا ہے