امریکی ایوانِ نمائندگان میں شدید سیاسی تعطل، انتخابی قانون پر اختلافات، قانون سازی رک گئی

امریکہ میں انتخابی اصلاحات سے متعلق مجوزہ قانون پر حکمران جماعت کے اندر اختلافات شدت اختیار کر گئے ہیں، جس کے باعث ایوانِ نمائندگان میں قانون سازی کا عمل تعطل کا شکار ہو گیا۔

ایوان کے اسپیکر مائیک جانسن نے بڑھتے ہوئے سیاسی بحران کے باعث اجلاس غیر معینہ مدت کے لیے ملتوی کرتے ہوئے ارکان کو چار جولائی کی تعطیلات سے قبل ہی اپنے اپنے حلقوں میں واپس جانے کی اجازت دے دی۔

تعطل کی بنیادی وجہ انتخابی اصلاحات کے اس مجوزہ قانون پر اختلافات ہیں، جسے صدر ڈونلڈ ٹرمپ اپنی اولین قانون سازی ترجیح قرار دے چکے ہیں۔ مجوزہ قانون کے حامی انتخابی نظام کو مزید سخت اور محفوظ بنانے کی ضرورت پر زور دے رہے ہیں، جبکہ مخالفین کا کہنا ہے کہ اس سے ووٹ ڈالنے کے حق تک رسائی مزید محدود ہو سکتی ہے۔

سیاسی تعطل کے باعث کئی اہم سرکاری اور عوامی نوعیت کے بل بھی منظور نہ ہو سکے، جس سے امریکی کانگریس کی قانون سازی عارضی طور پر رک گئی ہے