نوجوان ٹیچر سے اجتماعی زیادتی ، ملزمان پکڑے گئے

کوٹ لکھپت میں نجی اسکول کی ٹیچر کو مبینہ اجتماعی زیادتی کا نشانہ بنایا گیا ہے۔

متاثرہ ٹیچر کے والد کی مدعیت میں مقدمہ درج کر کے 2 ملزمان کو گرفتار کر لیا گیا۔

پولیس کے مطابق کوٹ لکھپت میں نجی اسکول کی ایک ٹیچر سے مبینہ اجتماعی زیادتی کے ملزمان اسکول کے سیکیورٹی گارڈ محسن اور اس کے دوست اسد کو گرفتار کر لیا گیا ہے۔
متاثرہ ٹیچر کے والد کی مدعیت میں درج کی جانے والی ایف آئی آر کے مطابق ملزم محسن اسکول میں چھٹی کے بعد متاثرہ ٹیچر کو ورغلا کر اپنے دوست اسد کے گھر لے گیا تھا۔

مدعی کا کہنا ہے کہ ملزمان نے خاتون ٹیچر کو زبردستی نشہ آور مشروب پلایا، تشدد کا نشانہ بنایا اور اجتماعی زیادتی کا نشانہ بنایا۔