بھارت میں فیکٹری مزدوروں کی جگہ مصنوعی ذہانت کا خوف، کارکنوں کو نگرانی کے لیے خود ویڈیو بنانے کی ہدایت

عالمی ترقی سے متعلق ایک رپورٹ میں انکشاف کیا گیا ہے کہ بھارت کی بعض فیکٹریوں میں مزدوروں کو یہ ہدایت دی جا رہی ہے کہ وہ اپنے کام کی ویڈیوز خود ریکارڈ کریں تاکہ ان سے مصنوعی ذہانت کے تربیتی ڈیٹا کے طور پر استفادہ کیا جا سکے۔

ابتدائی طور پر کارکنوں نے اس عمل کو ایک نئی اور دلچسپ ٹیکنالوجی کے طور پر لیا، لیکن جلد ہی یہ احساس بڑھنے لگا کہ یہ عمل مستقبل میں ان کی ملازمتوں کے لیے خطرہ بن سکتا ہے۔

مزدوروں کا کہنا ہے کہ وہ اس خدشے میں مبتلا ہیں کہ اگر مشینیں ان کے کام کو مکمل طور پر سیکھ لیں تو ان کی جگہ روبوٹ یا خودکار نظام لے سکتے ہیں، جس سے روزگار کا بحران پیدا ہو سکتا ہے۔

رپورٹ کے مطابق کارکنوں میں یہ سوال شدت اختیار کر رہا ہے کہ اگر انسانی محنت کی جگہ مشینیں لے لیں تو ان کی اجرت اور روزگار کا مستقبل کیا ہوگا۔

ماہرین کا کہنا ہے کہ یہ صورتحال عالمی سطح پر بڑھتی ہوئی اس بحث کا حصہ ہے جس میں یہ سوال اٹھایا جا رہا ہے کہ مصنوعی ذہانت اور خودکار نظاموں کے پھیلاؤ کے ساتھ انسانی محنت کی قدر اور تحفظ کیسے یقینی بنایا جائے