کوآڈری لیٹرل سیکیورٹی ڈائیلاگ کے وزرائے خارجہ کا اہم اجلاس نئی دہلی میں جاری ہے، جس کا مقصد خطے میں بڑھتی ہوئی عالمی کشیدگی کے درمیان انڈو پیسیفک میں استحکام کو مضبوط بنانا ہے۔ اجلاس میں امریکی وزیر خارجہ مارکو روبیو، آسٹریلیا کی وزیر خارجہ پینی وونگ اور جاپان کے وزیر خارجہ توشیمتسو موتیگی شریک ہیں، جبکہ بھارتی وزیر خارجہ ایس جے شنکر اجلاس کی صدارت کر رہے ہیں۔ یہ ملاقات ایسے وقت میں ہو رہی ہے جب مشرقِ وسطیٰ میں ایران، اسرائیل اور دیگر علاقائی طاقتوں کے درمیان کشیدگی بڑھ رہی ہے، جس کے اثرات عالمی سفارتکاری اور سیکیورٹی حکمتِ عملی پر بھی پڑ رہے ہیں۔ ذرائع کے مطابق کوآڈ ممالک خطے میں چین کے بڑھتے ہوئے اثر و رسوخ کے تناظر میں “فری اینڈ اوپن انڈو پیسیفک” کے تصور کو مزید مضبوط بنانے پر متفق دکھائی دیتے ہیں