ٹیکساس میں تاریخی توانائی تبدیلی، شمسی بجلی پہلی بار کوئلے کو پیچھے چھوڑنے کے قریب
امریکی ریاست Texas میں توانائی کے شعبے میں ایک تاریخی تبدیلی سامنے آ رہی ہے جہاں پہلی بار شمسی توانائی کوئلے سے زیادہ بجلی پیدا کرنے کے قریب پہنچ گئی ہے۔ Electric Reliability Council of Texas کے زیر انتظام پاور گرڈ میں وفاقی اندازوں کے مطابق 2026 کے دوران سولر توانائی تقریباً 78 ارب کلوواٹ گھنٹے بجلی فراہم کرے گی، جبکہ کوئلے سے پیداوار کم ہو کر تقریباً 60 ارب کلوواٹ گھنٹے رہنے کی توقع ہے۔
ماہرین کے مطابق ٹیکساس میں اب نئے کوئلہ پاور پلانٹس تقریباً نہیں بن رہے، جبکہ دوسری جانب ریاست امریکا میں سب سے زیادہ شمسی توانائی کے منصوبے تیزی سے نصب کر رہی ہے۔ گزشتہ برس مارچ سے اگست تک کئی مہینوں میں سولر پیداوار نے کوئلے کو پیچھے چھوڑ دیا تھا، اور رواں سال یہ برتری مارچ سے دسمبر تک برقرار رہنے کی پیش گوئی کی جا رہی ہے۔
توانائی مبصرین اس تبدیلی کو امریکا کی وسیع تر گرین انرجی منتقلی کا اہم موڑ قرار دے رہے ہیں، جہاں تیزی سے گرتی سولر لاگت، شدید گرمیوں میں بڑھتی بجلی طلب، اور ماحولیاتی دباؤ روایتی کوئلہ صنعت کو پیچھے دھکیل رہے ہیں