ایران کا امریکی ہوائی اڈے پر حملے کا دعویٰ۔ ایرانی بندر عباس پورٹ کے قریب امریکی حملوں کے بعد ایران نے جوابی کارروائی شروع کرنے کا دعویٰ کیا ہے۔ ایرانی پاسدارانِ انقلاب گارڈز کے مطابق خطے میں ایک امریکی ہوائی اڈے کو نشانہ بنایا گیا ہے، جبکہ انہوں نے خبردار کیا ہے کہ آئندہ کسی بھی حملے کا بھرپور جواب دیا جائے گا۔ پاسدارانِ انقلاب نے یہ بھی دعویٰ کیا کہ آبنائے ہرمز میں داخل ہونے کی کوشش کرنے والے تین جہازوں کو روک دیا گیا ہے۔ تجزیہ کاروں کے مطابق اگر یہ کشیدگی مزید بڑھی تو مشرقِ وسطیٰ میں فوجی تناؤ ایک نئے خطرناک مرحلے میں داخل ہو سکتا ہے، جس کے اثرات عالمی تیل منڈی، بحری تجارت اور علاقائی سکیورٹی پر فوری طور پر محسوس کیے جا سکتے ہیں۔ ماہرین کا کہنا ہے کہ آبنائے ہرمز میں کسی بھی قسم کی عسکری کشیدگی عالمی توانائی سپلائی کے لیے بڑا خطرہ بن سکتی ہے، کیونکہ دنیا کی بڑی مقدار میں تیل اور گیس اسی بحری راستے سے گزرتی ہے۔