انتہائی پتلا فون مارکیٹ میں ناکام—صارفین نے “خوابوں والا اسمارٹ فون” مسترد کر دیا
ٹیکنالوجی رپورٹ: امریکی جریدے میک ورلڈ کے مطابق ایپل کا نیا انتہائی پتلا اسمارٹ فون “آئی فون ایئر” توقعات کے برعکس مارکیٹ میں بڑی کامیابی حاصل کرنے میں ناکام رہا ہے۔
رپورٹ میں بتایا گیا ہے کہ صرف 5.64 ملی میٹر موٹائی والا یہ فون کمپنی کی جانب سے “خوابوں والا ڈیزائن” قرار دیا گیا تھا، تاہم اب تک اس کی فروخت تقریباً 7 لاکھ یونٹس تک محدود رہی ہے، جو کمزور طلب کو ظاہر کرتی ہے۔
ذرائع کے مطابق 999 ڈالر قیمت والے اس ماڈل میں صرف ایک کیمرا اور نسبتاً کمزور بیٹری جیسی محدود خصوصیات شامل ہیں، جبکہ 799 ڈالر والا ایک سستا ماڈل زیادہ بہتر کارکردگی اور مکمل فیچرز کے باعث صارفین میں زیادہ مقبول رہا۔
ماہرین کے مطابق صارفین نے واضح طور پر یہ پیغام دیا ہے کہ وہ انتہائی پتلے ڈیزائن کے بجائے عملی استعمال، بہتر بیٹری اور مکمل فیچرز کو زیادہ اہمیت دیتے ہیں۔
ٹیک تجزیہ کاروں کا کہنا ہے کہ کمزور فروخت کے بعد کمپنی ممکنہ طور پر اپنی “انتہائی پتلے فون” کی حکمتِ عملی پر دوبارہ غور کر سکتی ہے۔