اتحادی سلطنت عمان بھی ٹرمپ کے دباؤ کا شکار

امریکی اخبار وال سٹریٹ جرنل نے اپنی ایک حالیہ رپورٹ میں دعویٰ کیا ہے کہ ایران اور امریکا کے درمیان تنازع میں عمان کے غیر جانبدارانہ رویے کو امریکا اب اپنے لیے خطرہ محسوس کرنے لگا ہے اور اب امریکا نے عمان پر دباؤ ڈالنا شروع کر دیا ہے کہ وہ ایران کے ساتھ اپنے سفارتی تعلقات منقطع کر دے۔

رپورٹ میں عرب حکام کا حوالہ دیتے ہوئے بتایا گیا ہے کہ ایران اور امریکا کے درمیان حالیہ 2 مذاکرات میں ثالثی کرنے میں مدد کرنے والا ملک عمان اب اچانک امریکا کی جانب سے آنے والے اس دباؤ پر حیران ہے۔