بھارتی سپریم کورٹ کے سابق چیف جسٹس دھنن جیا یشونت کو مقررہ مدت میں سرکاری رہائش گاہ خالی نہ کرنے پر سپریم کورٹ انتظامیہ نے نوٹس جاری کر دیا ہے ۔ سابق چیف جسٹس دو سال چیف جسٹس سپریم کورٹ رہنے کے بعد نومبر 2024 میں اپنے عہدے سے ریٹائر ہوئے تھے  اور مُناسب رہائش نہ ملنے پر ابھی تک چیف جسٹس ہاوس میں مقیم تھے۔قواعد کے مطابق ریٹائرمنٹ کے بعد وہ 6 ماہ تک دوسرے سرکاری گھر میں مقیم رہ سکتے تھے۔

سابق چیف جسٹس کا موقف ہے وہ بعد میں آنے والے چیف جسٹس سے مزید کچھ عرصہ سرکاری رہائش گاہ رہنے کی اجازت لے چکے تھے اور اب مناسب گھر یا فلیٹ ملنے پر وہ جلد شفٹ ہو جائیں گے جہاں ان کی اسپیشل بچیوں کیلئے سہولیات میسر ہوں۔