چین کے ساتھ تجارتی توازن بحال کرنے کی یورپی کوششیں، مگر ہیٹ ویو نے حکمتِ عملی مشکل بنا دی

یورپی یونین اور چین کے درمیان تجارتی عدم توازن کم کرنے کی کوششیں اس وقت ایک نئے چیلنج کا شکار ہیں، کیونکہ یورپ میں شدید گرمی کی لہر کے دوران چینی ساختہ ایئر کنڈیشنرز کی طلب میں غیر معمولی اضافہ ہو گیا ہے۔

رپورٹ کے مطابق برسلز آئندہ ماہ تک چین کے ساتھ تجارتی خسارہ کم کرنے کا ہدف رکھتا ہے، تاہم اسی دوران یورپی صارفین تیزی سے سستے چینی ایئر کنڈیشنرز خرید رہے ہیں، جس سے مارکیٹ میں چینی برآمدات مزید بڑھ گئی ہیں۔

ماہرین کا کہنا ہے کہ اگرچہ یورپی پالیسی ساز چین کے ساتھ تجارت میں توازن قائم کرنے اور مقامی صنعت کو تحفظ دینے کی کوشش کر رہے ہیں، لیکن صارفین کی فوری ضروریات اور گرمی کی شدت اس حکمت عملی کو پیچیدہ بنا رہی ہے۔

تجزیہ کاروں کے مطابق چینی حکومت کی جانب سے دی جانے والی یقین دہانیاں بھی اس تجارتی فرق کو نمایاں طور پر کم کرنے میں ناکافی ثابت ہو رہی ہیں، جبکہ یورپ کو ایک طرف سستی مصنوعات اور دوسری طرف اسٹریٹجک صنعتی تحفظ کے درمیان توازن قائم کرنا پڑ رہا ہے